Kristssókn

Kristssókn

Póstnúmer:
101, 103, 104, 105, 107, 108, 170,
300, 301, 310, 311, 320,340, 350, 355, 360, 370, 371,
400, 410, 415, 420, 425, 430, 450, 460, 465, 470,
500, 510, 520, 530, 531, 540, 541, 545.

Dómkirkja Krists konungs,
Landakot, Túngata, Reykjavík.

Skrúðhús: 552 6520.

Presthús, Hávallagata 16, 101 Reykjavík.

Sóknarprestur:
Séra Patrick Breen.
Símar 552 5388 og 848-2655.
Fax 562 3878.
^{Netfang: serapatrick}

Aðstoðarprestur:
Séra Hubertus Oremus C.M.

Einnig:
Sr. Jakob Rolland.
Sími 552 5388.
^{Netfang: serajakob}

Sr. Radoslaw Szymoniak.
Sími 690 0532.
^{Netfang: seraradoslav}

Sr. Sebastian Ludwin.
Sími 659 1330.
^{Netfang: serasebastian}

Regla systranna af hjarta Jesú
og hinna öldruðu og umkomulausu:
Öldugata 15, IS-101 Reykjavík.
Sími og fax 552 5344.

Kærleiksboðberarnir (Teresíusysturnar)
Ingólfsstræti 12, 101 Reykjavík.
Sími 557 9799.

-----------

Undir Landakotssókn falla tvær kirkjur úti á landi:

**Messutímar**
Á Laugard.	Á sunnud.	Á mánud.	Á þriðjud.	Á miðvikud.	Á fimmtud.	Á föstud.
-	-	8:00	-	8:00	-	8:00
-	10:30*	-	-	-	-	-
-	13:00*	-	-	-	-	-
18:00*	18:00*	18:00	18:00	18:00	18:00	18:00

Messur á íslensku nema:
13:00 - á pólsku.
18:00 - á ensku.
* eru sunnudagsmessur.

-------------------------------------------------------------

Kaþólska bókabúðin
er opin á sunnudögum kl. 11:30 - 12:30.
(Hávallagötu 14 á bak við kirkjuna.)

Árið 1859 komu fyrstu kaþólsku prestarnir hingað til lands eftir siðaskiptin. Það voru þeir Bernard Bernard og Jean-Baptiste Baudoin og keyptu þeir jörðina "Landakot" við Reykjavík og settust að í bóndabænum. Faðir Baudoin reisti litla kapellu við þetta hús 1864. Hún var síðar leyst af hólmi af timburkirkju við Túngötu, nálægt prestsetrinu. Þessi kirkja var helguð heilögu hjarta Jesú. Eftir fyrri heimsstyrjöldina hófu Montfortprestar, sem höfðu tekið við trúboðinu í Íslandi árið 1903, að leggja drög að byggingu nýrrar kirkju. Ýmsar teikningar voru gerðar en loks var ákveðið að smíða kirkju í nýgotneskum stíl. Hornsteinninn var lagður 1927. Árið 1929 var kirkjan fullreist.

Kirkjan var byggð eftir teikningum íslenska arkitektsins Guðjóns Samúelssonar. Lengi var hún stærsta kirkja landsins. Kirkjan var vígð 23. júlí 1929. Það gerði sérstakur sendimaður Píusar XI, William kardínáli van Rossum CssR, yfirmaður stjórnardeildar Páfagarðs "De Propaganda Fide". Kardínálinn kom til Íslands til að lýsa yfir stofnun postullegrar trúboðskirkju á Íslandi og til að vígja til biskups postullegan stjórnanda hennar, Martein Meulenberg. Dómkirkjan ber nafn "Krists konungs" í heiðursskyni við Krist, Drottin alheimsins. Kirkjan er undir verndarvæng hinnar sælu Maríu meyjar Guðsmóður, sankti Jósefs og tveggja helgra, íslenskra manna, Jóns Ögmundarsonar og Þorláks Þórhallssonar. Kirkjuklukkurnar þrjár eru tileinkaðar Kristi konungi, Maríu mey og sankti Jósef.

Árið 1956 var sett upp orgel í kirkjunni sem smíðað var hjá Fröbenius-smiðjunni í Kaupmannahöfn. Kirkjan og orgelið hafa verið endurnýjuð nokkrum sinnum, síðast 1999-2000.

Á hægri hlið við innganginn í kirkjuna stendur tréstytta frá miðöldum af Maríu mey með barninu. Talið er að hún sé frá 14. öld. Líklega var hún í sveitakirkju á árum áður en eftir siðaskiptin tók bóndinn á Reykhólum hana í hús sitt. Hún var gefin Landakotskirkju árið 1926 og þar er hún tignuð sem "Reykhóla-María". Jóhannes Páll páfi II krýndi styttuna þegar hann heimsótti Ísland í júní 1989.

Í tilefni af hátíðinni "Kristni í 1000 ára á Íslandi" var dómkirkjan heiðruð og fengin nafnbótin "basilika", hin eina í löndum Norður-Evrópu. Hinn 1. júlí 2000 lýsti Edward Idris Cassidy kardínáli þessari nafngjöf yfir við hátíðlega messu í dómkirkjunni.

Til hægri fyrir dyrum úti er brjóstmynd af Marteini Meulenberg biskupi (1872-1941) en hann stóð fyrir byggingu kirkjunnar. Hann var fyrsti kaþólski biskupinn á Íslandi eftir siðaskiptin. Til vinstri við kirkjuna var þann 17. september 2000 afhjúpuð stytta af konu og nefndist hún "Köllun". Hana gerði listakonan Steinunn Þórarinsdóttir til minningar um mannúðarstörf Jósefssystra sem störfuðu á Íslandi í meira en eina öld.

Kapellan í Stykkishólmi

Sr. Edward Booth O.P.
Sími 438 1127. Fax 438 1628.
www.simnet.is/e.booth
seraedward

Maríusystur
Austurgata 7, 340 Stykkishólmur.
Sími 438 1070.

Sister Cielos 822 5888.

Messutímar í kapellunni í Stykkishólmi: Sunnudaga: kl. 10:00.

Laugardaga: kl. 18:30.
Alla virka daga: kl. 07:30.

Ennfremur eru reglulega (amk. mánaðarlega) haldnar messur í bæjarfélögum nálægt Stykkishólmi. Upplýsingar um messutíma veita systurnar í síma 438 1070.
Messurnar eru á íslensku eða ensku með pólskri þýðingu.

Skriftatímar: Eftir samkomulagi við prestinn (sími 438 1127 eða 438 1070).

Árið 1935 komu Fransiskussystur til Stykkishólms til að setja þar á stofn spítala, leikskóla og prentsmiðju. Kapellan í húsi þeirra var öllum opin. Á sjöunda áratugnum var byggt nýtt hús handa systrunum og einnig ný kapella. Þar er staðsettur prestur sem sinnir systrunum og kaþólsku fólki í bænum og nágrenni.

Kapellan á Ísafirði

Messutímar í Jóhannesarkapellu:

Árið 1989 keypti kaþólska kirkjan gamalt hús á Ísafirði, byggt 1835, og var því breytt og gert að prestahúsi. Alfreð Jolson biskup blessaði litla kapellu í því 28. júlí sama ár. Ný kapella var byggð bak við húsið 1997-1999 í umsjón Trausta Leóssonar og húsið sjálft var endurbætt. Þann 5. júli 1999 blessaði Jóhannes Gijsen Reykjavíkurbiskup nýju kapelluna. Prestur býr þar og sinna kaþólsku fólki á Vestfjörðum.

Aðalsíðan