  |
Trúfræðsla
Þó að trúarbragðafræðsla sé veitt í öllum íslenskum skólum, er samt haldið uppi sérstakri kaþólskri trúfræðslu og einkum þó undirbúningi barna frá 7 til 14 ára aldurs, vegna móttöku sakramentanna. Það gera prestar, reglusystur og leikmenn. Biskupsdæmið hefur gefið út trúfræðslurit og vinnubækur á íslensku. Prestar eða systur skipuleggja sérstaka kvertíma víðsvegar um landið handa börnum sem aðeins tala eða skilja pólsku eða ensku. Börn sem búa fjarri þeim stöðum þar sem skipulögð trúfræðsla fer fram geta tekið þátt í bréfaskóla. Um hann sér Séra Denis O'Leary (sími 557 7420). Prestarnir bera ábyrgð á uppfræðslu þeirra sem vilja kynna sér kaþólska trú eða snúast til hennar.Biskupsdæmið hefur gefið út bækur um þessi efni, svo sem ágrip og útskýringu á "Trúfræðsluriti kaþólsku kirkjunnar" (1997), sem Jóhannes Gijsen Reykjavíkurbiskup ritaði. Á veturna eru haldnir ýmsir fyrirlestar í sóknunum til að styrkja trú manna, auka skilning þeirra á Ritningunni og útskýra kaþólska lífshætti. Hafið vinsamalega samband við sóknarprestana til að fá upplýsingar um þessi atriði. |
|
|
|
|